Kandidati i LDK-së për kryetar të Prishtinës, Arban Abrashi, ka folur për mos prezencën e tij në ballafaqimin e drejtpërdrejtë në debat me kandidatin e VV, Shpend Ahmeti, shkruan arbresh.info

Arbashi ka thënë se ftesat që i kanë bërë nuk kanë qenë korrekte dhe sipas tij në atë kohë ka qenë i aranzhuar në debate tjera televizive.

“Është e vërtet që është fol shumë për debate. Ka shumë të pavërtetë rreth kësaj.  Mendoj qe është shumë e ulët nga një kunderkanidiat të kryqet në fushata të tillat dhe linçime të tilla të ulëta. Por është fushata që ata e kanë zgjedhe që të luajnë më loja të ndyta”, thotë ai.

Ai  ka thënë se kundërkandidati i tij, përmes linçimeve të tilla po synon të fitojë poenta politike.

“Krejt çka është dashtë të shtyhet debati një ditë ose dy. Ka qenë vetë kunderkandidati që i ka ikë debatit 10 ditëve të fundit. Kam mundur edhe unë të krijoj arsyeje të rreme siç ka bërë ai por nuk kam thënë asgjë. Përmes linçimeve e kanë synim që të fitojnë poenta politik”, a thënë Abrashi në KTV.

Abrashi tha se i ka ofruar Ahmetit pesë debate publike në pesë ditët e fushatës.

“I kam ofruar publikisht 5 debate. Është bërë shumë zhurmë për diçka të kotë, sepse ka shumë për të fol për programin për mospunës. Shpend Ahmeti nuk do të vie në 5 debatet që i kom kërkuar, debat të hapur. Ai vetëm një e ka konfirmuar”, thekson Abrashi./arbresh.info/